AAD SHARAF YEEALATIDE RUN SHEEG NOQO…. Xaaji Cabdi Waraabe

0

Hadii Uu AHN Xaaji Cabdi Xuseen Ka Sii Digay Habdhaqanka Xafiiltanka Iyo Ku Xumeeda Xambaarsan Ee Siyaasiyiinta Muxaafid Iyo Mucaarad..

Shacbigana Muxuu Ku Yidhi.?…..Qaybtii 2aad:

Xaaji Cabdi Xuseen A.H.N Xikmadda Iyo Garashada Waafiga Ah Ee Rabbi Ku Galladay Waxay Runtii Ahayd Bad-Weyn Aan Dhammaanayn.

Taas Awgeed Waxaan Filayaa Inuu Ninba Intii Uu Karayay Ka Maalay Xaajiga,Waayo-Aragnimada,Taariikhda Iyo Hoga Tusaalaha Toolmoon Ee Dhaxalka Waara U Noqon Karay Bulshada.

Taasina Waxay Kollay Ku Xidhan Tahay, Qofba Sida uu Ugu Diyaar Garoobo Iyo Dabcan Heerka Xogta Uu Ka Haystay Kaalmihii Kala Duwanaa Ee Uu Ka Ciyaaray Xaajigu, Meertooyinkii Waayaha Mujtamaca Uu Ka Soo Jeeday Ee Somaliland.

Waqtigaasi Hadaba Oo Ahayd Sidaan Hore U Sheegay 2006dii Waraysigan Dedaal Uun Baa Igu Riixaye Xog Caynkaasi Ah, Oo La Taaban Karo, Kamaan Haysan Xaajiga,

Ku Darsoo Weliba Kolkii Aan U Tegayay Oo Gelin Danbe Ahayd,Laba Weriye Oo Aad Qaali Ugu Ah Wasaarada Warfaafinta,Waa Claahi Jaamac Oo imika U Shaqeeya BBC-da Iyo Maxamed Xuseen Cali Oo Aan U Sheegay Inaan Xaaji Cabdi Ka Doonayo Waraysi,Ayaa Iga Sii Daba Tuuray Laba Su’aalood, Oo Kolkii Danbe Ee Aan Dib U Dhegaystay Noqday, Kuwii Ugu Miisaanka Cuslaa Su’aalahaan La Shir Tegey,

Ku Dhowaad Toban Sano Ayaa Ka Danbaysay Xilligaa,Waxaana Laga Yaabaa Inaanay Xasuusnayba Iyagu Taasi,Balse Waxaan U Xusayaa Waa Xuquuq ay leeyihiin Anigaana xusuusan…

Gees Kale Kolka Laga Eegana Hadalkan Xaajiga Ee Soo Socda Waxaaba Ku Jirta ( Hadaad Sharaf Doonayso Wax Kastaba Runta Ka Sheeg) .Ramadaan Kariim..C.A.C caanodhame.