Boqol qof oo ku dhintay Dhulgariir ku dhuftay gobolka Aceh ee dalka Indonesia

0

Indonesia-(Berberanews)-Dhulgariir ku dhuftay gobolka Aceh ee dalka Indonesia ayaa dilay ugu yaraan 97 ruux, sida ay sheegeen saraakiisha millatarigu.

Cabirka dhulgariirka ayaa lagu qiyaasay 6.5, dhismeyaal badan ayaa burburay waxaana laga cabsi qabaa in ay dad badan ku hoos xayiran yihiin burburka hoostiisa.

Taliyaha millatariga gobolka Aceh ayaa waraysi TV oo toos loo baahiyay ka sheegay in tirada dhimashadu ay wali sii kordhayso.

Afhayeen u hadlay hay’adda masiibooyinka ee dalka Indonesia ayaa sheegay in in-kabadan 200 oo dukaammo iyo guryo isugu jira ay ku burbureen dhulgariirka ayna ka mid yihiin 14 masaajid._92861684_fa4e5fd8-1c1f-4390-acd5-758eb20e5fe7

Isbitaal iyo iskuul ayaa sidoo kale waxyeelo wayn soo gaadhay.

2004-tii dhulgariir badda hoosteeda ka dhacay oo ku dhuftay xeebaha Aceh ayaa sababay tsunami waxaana Indonesia oo kali ah kaga dhintay 160,000 oo ruux.

Xigasho Bbc_92861686_5889dce2-aa23-4631-964f-52c5d93a7120