22 askari oo ku dhintay dagaal dhexmaray Labada Sudan iyo Qorsheyaasha Dahsoon ee reer Galbeedku ka leeyahay

0

Sudan-(Berberanews)-22 askari, ayaa ku dhintay dagaal dhexmaray Sudan iyo Koonfurta Sudan oo  dhawaan madaxbannaani ka qaadatay Khartuum, ka dib markii iska hor imaad ciidan ku dhexmaray goob salliida qani ku ah oo lagu magacaabo Heglig.

Sida ay sheegeen wararka ka soo baxay dagaalka ciidammaddu waxay ku dhinteen dagaal maanta ku dhexmaray ciidammada labada Sudan Webi ku yaalla xuduudka ay ku muransanyihiin oo u dhaw magaalada Meiram.

Xiisadda labada Sudan oo muddooyinkii u danbeeyay cirka isku shareertay ka dib markii ciidammadda Koonfurtu qabsadeen magaalada salliida ee Heglig todobaadkii hore.

Koonfurta Sudan oo madaxbannaaneeda ka qaadatay Sudan 09, July, 2011, ka dib khilaaf muddo dheer soo jiitamayay oo u dhexeeyay Waqooyiga.

khubaro dhinaca siyaasadda falanqeeya, ayaa aaminsan fikirka madaxbannaanida Koonfurta Sudan inay ka danbeeyaan dalalka reer Galbeedku oo hunguri ka galay shiidaalka ku duugan Sudan, si uu qorshahaasi ugu suurtagalana ka caawinaya koonfurtu inay dagaal la gasho waqooyiga, ka dibna ay ka faa’iidaystaan dhulka salliida qaniga ku ah ee Sudan.

Berberanews.com

Email,info@berberanews.com