Itoobiya: Xasuuq lagu dilay in ka badan 100 qof gobolka Benishangul-Gumaz

0

Itoobiya-(Berberanews)-Dad ka badan 100 ruux ayaa la dilay kaddib markii koox dabley ah oo aan hayb-tooda la aqoon weerareen tuulo ku taala gobolka Benishangul-Gumaz ee dalka Itoobiya.

Weerarkan ayaa dhacay maalin kadib markii ra’iisul wasaare, Abiy Ahmed, uu booqday gobolka uu weerarkani ka dhacay.

Dadkan ayaa la sheegay in qaarkood la toogtay halka kuwa kalana lala dhacay tooreey, iyadoo marka laga tago dhimashada sidoo kale in ka badan 30 ruux la dhigay goobaha caafimaadka kuwaas oo qaba dhaawacyo kala duwan.

War ka soo baxay guddiga xuquuqul insaanka Itoobiya waxay ku sheegeen in weerarku uu ka dhacay tuulada Bekoji, oo ku taal aag ay ku nool yihiin qowmiyado badan oo isku dhaf ah.

“In ka badan 100 qof ayaa lagu dilay weerar dab iyo toogasho isugu jira oo ay geysteen rag hubaysan waa barigii Arbacada”, guddiga ayaa yidhi

Waa dhimashadii ugu ballaadhnayd oo mar kaliya lagu geysto gobolka, waxaana weerarkan uu la kulmay cabaareyn kala gadisan oo dhinacyo badan ka imaneysa.