Maansada Darato iyo Duudsi: Waxay ka hadlaysaa Saddex Hablood oo Hargeysa ku xidhan

0
Maansada Darato iyo Duudsi: Waxay ka hadlaysaa Saddex Hablood oo Hargeysa ku xidhan
 
= Deeleeydu waa duunyo iyo malabkii doocaane
= deg-deg uma abuuree baryaan daranta daajaaye
= Dig markaan kasiiyana ka culus daabad iyo buure
= ma daneeyo hadalkeeda oo waaiska diidaaye
= se haddaan daleeyaa qalbigu idin dinaahyeeyne
= daruur curatay daad soo rogmadey dixi bil dhaamaysa
= daratoole iyo haro-digeed daanbariyo doollo
= mar qudhaan siddii wali la diray ugu dawaafaa .
= Dirqi uma idhaahdee qalbigu waa i din-dimayaaye
= Dooxada nuugaal iyo dilaan daad ku rogayaaye
= Duufaan anoon kicin ayaan derinta keenaaye
= caawana wixii igu diraan idin dareen siine
= dhagihii daboolnaa ka fura daaha iyo xuubka
= markabyada dullaamiyo ku rara doonyo shaaximan
= aawliyada duushiyo u dira nimanka duudeeyda .
 
= dakanooyin ruuxii galay ayaa lagu danbaabaye
= dunji nimaan ahaayn iyo dullaad daabadsaneysaane
= nin haween dagaal kula jiraa waa dhal doofaare
= waxyigiyo dastuurkana ka orod dhaqankii diimeede
= ducufkuu ilaah baday ayuu darajo moodaaye
= intaad xabashi daanshonayiyo eeyda daba joogto
= ubad kiina maay diirateen dacas abaareede
= damantiyo caruurtana xaraash uma du,duucdeene
= alle dooriyoow duunyadaad damac wadaagtaan.
 
= afartaa da,dii aan ka dayey darartii maadhiin dheh
= da,da kalana waa doodan rabay daacad ugu sheege
= Deeqooyinkaa lagu digtey ee darayo loo loogay
= gabdhahaa dakano aaney galin duudka laga saaray
= gabdhahaa daffaartiyo heleen ina dabaaloo dhan
= gabdhahaa darxumadiyo ku jira duudsigiyo laaynta
= gabdhahaa dilaal iyo malaal daab cadda u qaatey
= daris nimaan ahayn iyi gabdhahan nacabku daan-buusay
= dayrkii amxaariyo gabdhahan loo durriyad sheegtay
 
= darbibaa ku soo dumay dadkii dibinta dheeraaye
= dood looma galin oo hablaha waa la daayacaye
= damaniyo waxaad wada tihiin nimaan daneeyneyne
= dunji kale haddii aay yihiin lama daquuqeene
= Digigixasho aadamina waa loogu duulaaye
= Dulli guudka naga fuuley iyo darato saw maaha !
 
= afartaa da,dii aaan kadayey darartii maadhiin dheh
= da,da kalana duuf laalada iyo duqayda haabiil dheh
= docodeeysi iyo dira-diraad duub u xidhateene
= Ruuxeey duruuf haysataad daba
ka riixdaane
= daalin waaw adeegtaan intaad daba raqlaaysaane
= daacad wax uma sheegtaan indaat xumaha diidane
= haddii aad dagaashan hablaha laguma duuleene
= darajiyo ragg kuma raadsadeen duunyo xoolaade
= dayacaba waxaa badaya waa dagalkeey joogaane
= Door aay ahaataba mar waad eedi doontaan.!
 
= waxaba deelku yuu ila durkina waxan ku soo duubey
= waalidkooda diifaysan baan duub uxidhayaaye
= Dubaaqooda duudsiga qabaan soo dajinayaaye
= Dara jaale waaw soo baryaa daain abid keey, e
= inaad doogsan doontaana waa daacada ilaahe
= Ducadana ku daabaca qalibaga waa la dumayaaye
= Daawliishu waa deebis iyo duur-xul gabayaaye
= waa dacar sulaaq loo ku timi dahaba diinii .
 
By Xariir Jaamac Ismalure
 
Walalaha codka codsadayna waa idin so duubi idanka alle
Gabdhaa ha loo hiiliyi somaliyey
(Gabooye)